طلقت الإعلامية رضوى الشربيني العنان للسانها ليضرب يمينا ويسارا بتقاليد المجتمع، وهو ما قوبل بعاصفة من النقد.”فيها إيه لما الست تنفصل وتتجوز 4 أو 5 مرات.. ولو جوزي مش عاجبني هاطلب الطلاق واتجوز غيره.. ولو غيره معجبنيش اطلق تاني واتجوز غيره لحد ما احس براحة”.
تحريض الزوجات على الانفصال:
تابعت رضوى: مش عاوزة أى ست تقول الجملة دى تانى بالشكل ده، وإحنا هانرضى باللى ربنا قسمه وهانرضى بالقليل يعنى علشان منفصلين؟، وعلى فكرة أنا انفصلت علشان مقبلتش على نفسى حاجة غيرى قبلتها، وكون إنى قلت لأ يبقى أنا أكيد أقوى بكتير من غيرى”.
رضوى: أنا منفصلة وعايشة كويس
انفعلت الإعلامية رضوى الشربيني بشدة بعد تلقيها رسالة من متابعة لبرنامجها، تحدثت فيه عن الانفصال وكأنه يقلل من قدر المرأة.
ورفعت رضوى صوتها، مؤكدة أنها هى الأُخرى منفصلة، وأنها لا تعتبر مثل هذا الأمر عيبا، بل دليل على قوة الست، وعلقت قائلة: “أنا كمان منفصلة، هى منفصلة دى عندك عيب؟ ناقصك شئ؟، وعلى فكرة أنا رضوى الشربينى ومنفصلة، وكمان بشتغل وبخلى بالى على بناتى وكمان أصحابى، والحمد لله عايشة كويس وسعيدة وراضية باللى ربنا كتبهولى، وممكن تتجوزى مرة واتنين وتلاته، مش ده حلال ربنا؟”.
